Hobbyar

I tillegg til meir "upraktiske" ting som brevskriving, lesing, vindrikking, Amnesty International etc har eg også nokre meir praktisk retta hobbyar eller fritidssyslar. Eg vil ikkje karakterisere alt som hobbyar - ein del av det er slikt som eg har gjort ein gong, men notert meg nokre erfaringar ved - til glede for meg sjølv dersom eg vil gjenta det, og vonleg også til glede for andre som kanskje har lurt på det same.

Plantar: Eg og Anders er begge veldig glad i plantar, og har alle vinduskarmane og ein del plass til fulle. Ialt har vi vel ein 65 potteplantar av ymse slag - både kjøpte og dyrka fram frå frø og stiklingar. Diverre har vi ikkje hage, veranda eller balkongkassar, så vi har kun stueplantar - ikkje hageplantar, og veldig få urtar.
Broderi: Eg er med i syklubb, og har brodert nokre pingvinar før eg starta på ein duk i Hardanger-saum. Dessutan har eg brodert ein blome til mora mi. Den vart ganske fin.
Strikking: Ok, eg kan strikke. Det sitt faktisk i fingra; eg hugsa både opplegging og vrange masker sjølv om det var omtrent 15 år sidan sist.
Sying: Eg kjøpte symaskin (ein Bernette 50) i mars 2003. Den bruker eg til å legge opp og sy inn klede, og så har eg sydd gardiner til hytta.
Såper: Eg kjøpte eit såpesett ein gong og har ambisjonar om å lage såper sjølv med det. Blir neppe noko fast føreteing, trur eg.
Badekuler: Også her fekk eg eit sett med dei nødvendige tinga, og har lagd det ein gong. Dette kan nok bli gjenteke, for det er iallfall deileg å ha i badekaret :-)

Elles er eg i stand til å ta frå kvarandre og skru saman mi eiga datamaskin, lappe sykkelen min, justere sykkelbremser, skifte dekk på bilen, sette i nytt bilbatteri, sage over ein planke, spikre den fast til ein annan planke etterpå, male hyller, pakke ein fallskjerm, bruke drill, skru opp ting på veggen osv. Det er altså ikkje BERRE typiske "jenteting" eg kan.