Magnis ynskjeliste

Viss du spør meg kva eg ynskjer meg til bursdag, jul eller sånn generelt, er sjansen stor for at eg etter litt stamming seier "øøøh, bøker" utan å angi det noko nærare. Denne ynskjelista er eit forsøk på å spesifisere det litt nærare, og dessutan utvide det heile litt utover "bøker".

Merk at eg mellom "jul" og "bursdag" bruker denne lista som utgangspunkt for mine eigne handleturar (dog mest for større ting,s om sportsutstyr). Eg sluttar med det ca ein månad før slik at andre kan bruke den ;) Men om du er av "planleggingstypen" kan det vere smart å feks. ta ein prat med Anders før du handler, for å unngå at eg kjøper det same før du har tenkt gi meg det ;) Eg oppdaterer denne lista når eg kjøper noko.

Eg og Anders har i tillegg ei felles ynskjeliste, den gjeld både om du vil gje gåve til ein av oss eller om du vil gje til begge. Eller om du berre leiter etter idear til kva du skal ha på di eiga ynskjeliste :-). Og Anders har også ei ynskjeliste.

Ikkje fyll opp huset vårt!

Sidan eg i grunnen ikkje mangler så mykje i livet mitt, set eg stor pris på gåver som ikkje tek plass og heller ikkje bruker så mykje ressursar. Trass alt forsøker eg vere litt miljøvenleg.

Send meg eit postkort når du er ute og reiser. Gjerne med eit spesielt motiv - fotokunst, ein lokal spøk på eit eller anna etc. Eg er også glad i pingvinar og i øl-relaterte motiv. Adressa mi finn du ein annan stad på websidene mine. Ikkje send elektroniske postkort - det er for det fyrste langt mindre kosleg å få, og for det andre er sjansen stor for at epostadressa brukast til spam etterpå, og ikkje minst inneheld kortet muligens eit virus eller ein trojaner.
I staden for gåve til meg, kan du godt gje ei gåve til eit veldedig formål du trur eg støytter - Sabona, Amnesty International, Leger Uten Grenser, Røde Kors, Framtiden i Våre Hender, Regnskogfondet... Gjerne til eit formål "litt utanfor allfarveg" - det er altfor mange katastrofar og problem som vert gløymd i dei store krigane.
Seriøst, eg blir veldig glad viss du i staden for å gje meg ei fysisk gåve heller donerer pengar til ein organisasjon eller kjøper meg ein minefri skoleveg, ei geit, suppe eller noko liknande - som helst ikkje befinn seg i hagen min (det er nok problem med sau i hagane her oppe, vi treng ikkje geiter også).
Her er ei liste over ymse veldedige formål/gåver.
Eg er veldig glad i blomster - både hageplantar, potteplantar og bukettar med tulipanar, roser, ei solsikke, ein enkel gerbera, påskeliljer.... det aller meste.
Gavekort på noko eg likevel treng eller vil ha: frå Lush, Body Shop, Apoteket (Vichy-produkt), klær (HM, KappAhl), sko (Löplabbet, Ecco, ein vanleg skobutikk), bøker (Amazon.co.uk eller ein bokhandel i Trondheim)...

Bøker

Bøker er noko eg alltid set pris på. Eg er litt sær og foretrekker paperback (pocketbøker), sidan dei er lettare å drasse med seg overalt - dessutan er dei rimelegare og eg kan tyne bokbudsjettet lengre :-) Eg tykkjer også det er lettare å "smake" på nye forfattarar viss eg ikkje treng betale så mykje for det.

Dog kjøper eg ein del nye bøker også, og eg er gjerne rask med å kjøpe ei pocketutgåve viss eg har ynskt meg boka lenge (men eg venter gjerne på pocketutgåva før eg kjøper boka - særleg om det er ein serie/forfattar eg samler på i det formatet), så det er kanskje lurt å sjekke om det er noko spesielt eg ynskjer meg fyrst. På den annen side, i det siste (jula 2007) har eg kjøpt lite pocketbøker også, så det meste burde vere "trygt".

For engelskspråklege bøker har eg ei ynskjeliste på www.amazon.co.uk. Viss du kjøper ei bok i lista ved å klikke på "Add to basket", vert ynskjelista mi oppdatert slik at ikkje andre kjøper det same. Eg ser ikkje kva bøker som er kjøpt. Bøkene kan sendast rett heim i postkassa til meg, pent innpakka, viss det er ynskjeleg :-)

Gåvekort på bøker er òg bra - til heil eller delvis finansiering av bøker. Eg kjøper gjerne pocketbøker.

Norskspråklege (norske og omsette) bøker eg ynskjer meg (gjerne i pocketutgåve om det finst):

Anne Holt: Pengemannen (2009)
Jo Nesbø: Panserhjerte (2009)
Karin Fossum: Varsleren (2009)
Monica Kristensen: Operasjon Fritham (2009)
Eirik Wekre: Operasjon Snøhvit (2008)
Eirik Wekre: Operasjon Isbjørn (2009)
Håkan Nesser: En helt annen historie (2008)
Ida Jackson og Maren Solli: Jenter som kommer (2008)
Henning Mankell: Kineseren (2008)
Vikram Seth: To liv (2005) (pocket)
Salman Rushdie: Midnattsbarn (pocket)
Cecilia Samartin: Señor Pellegrino (pocket)
Kiran Desai: Tapets barn (pocket)
Karin Fossum: Den onde viljen (2008)
Karin Fossum: De gales hus (pocket)
Inger Frimannson: Katten som ikke døde (pocket)
Frederick Forsyth: Afghaneren (pocket)
Anka Ryall: Odyssevs i skjørt (2004)
Aristofanes: Lysistrata

Generelt: all nyutgitt krim, unntatt Stieg Larsson, for han har eg nettopp lest ferdig. Eg har også lese Liza Marklund, Anne Holt og Jan Guillou sine siste bøker.

Film

Ja, så sanneleg har ho ikkje film på lista si også, sjå det! (Iallfall litt, sjølv om lista er nokre år gamal og muligens ikkje å få tak i lenger.)

Eg har ikkje veldig alternativ filmsmak, men ser gjerne noko som ikkje kjem direkte frå Hollyood. I Noreg er Arthaus distributør av mykje bra film, og ein del av det sel dei også på DVD. Eg er open for det meste av filmane deira - men eg er kanskje ikkje nokon stor fan av kinesisk film....
Frå Arthaus ser Whale Rider og Monsieur Ibrahim og Koranens blomster spanande ut.
Czech dream kan kanskje minne om noko Michael Moore kan ha lagd, eg er ikkje sikker, men den ser iallfall interessant ut.
Keltoum's Daughter ser ut til å kunne vere ein trist film, men likevel ein eg kunne like. Eg liker visst filmar om sterke, utradisjonelle kvinner...
Sicko av Michael Moore

Tekniske dingsar

Ting frå ThinkGeek.
Utvidingar til Wii Fit, treningsgreier til Wii-en min. (Eg har balansebrettet og det som følger med der, men kan gjerne prøve utvidingar.)

Mat og drikke og sånt

Sjokolade! Særleg mørk sjokolade, og slikt som likner belgiske praliner. Eg er svak for nøtter, så det kan det gjerne vere på/i. Mmmmm! Og så er skikkeleg marsipan godt. Då snakker eg ikkje om Nidar/Freia-typen, ei heller Odense, men litt grovare marsipan med masse mandlar i. Med mørk sjokolade på. (Sjokoladebutikken ved Nova har marsipan frå Heimdal chokoladefabrikk.)
Gode oljar og eddikar til matlaging.
Fine kjøkenhanddukar - med artige motiv, fine fargar etc. Ikkje keisame tre-pakk frå Rimi, men noko kult, fint design, spesielt, spenstig. Éin held i massevis :)
Viss du lagar noko spiseleg eller drikkeleg frå eigen hage, fangst eller liknande så set eg stor pris på ein liten smaksprøve :-)

Tradisjonelle dingsar

Musikk er noko eg set pris på, men eg er ikkje spesielt interessert i det og eg lytter lite - men som muzak er det fint. Eg liker ein del klassisk - fiolin og piano er fint - medan eg absolutt ikkje liker marsjar. På den annen side kan ein kraftig symfoni med mykje pauker og tung messing vere flott... Eg er også open for moderne musikk innan dei aller fleste sjangre (unntatt "Hits for..." og VG-lista, og liknande).
Av meir moderne musikk liker eg ting i sjangeren Anne Grete Preus, Kari Bremnes og Katia Cardinal, men ikkje nødvendigvis avgrensa til desse artistane... Sånn heilt konkret ynskjer eg meg feks. den siste plata til Anne Grete Preus.

Hudpleie

Rask oversikt over merka eg bruker (eller gjerne vil ha ;)):

Ansikt: Vichy Myokine (ansiktskrem normal/blandet, øyekrem) eller Thermal (Light, Øyegele, Rich om vinteren), eller produkt frå Lush og Body Shop (normal/blandet hud). Ynskjer meg dagkrem, nattkrem, augekrem/-gele og rensegele (ikkje rensemjølk) (eg pleier bruke dette i dusjen).
Handkrem: Weleda Tindved/Havtorn Håndkrem (Bilde)
Bodylotion: Biotherm Lait Corporel anti-drying body milk (deileg duft av sitrus!)
Dusjsåpe: flytande dusjsåper frå t.d. Lush og Body Shop - med "urteduft" eller "fruktduft" - reine fruktdufter av jordbær, sitrus og eple er mine favorittar. Generisk "parfymert" liker eg sjelden.
Hårshampoo: KMS Daily Fixx Everyday Shampoo eller tilsvarande frisørshampoo av anna merke.

Pynt, stæsj og klær

Øyredobbar: både enkle, små dobbar som ikkje heng og som er greie å ha under sykkelhjelm og masse vinterklær - og litt større greier, men ikkje for tungt. Det er fint om det er ekte sølv eller gull i krokane. Om det er eit "tema" som er knytta til dei to største hobbyane mine - Linux og fallskjermhopping - er det berre ein bonus :-) Elles synes eg "steinar" og "glass" er fint på øyrepynt - heller enn perler, til dømes.
Smykker/armband: noko som matcher kvarandre eller til og med øyredobbane kan vere lekkert til ein del klede. Kleda mine går mykje i svart og blått, så stilen på alt av pynt bør vere deretter.
Meir "klassiske" smykker og armband som matcher øyredobbar eg alt har.
Badetilbehøyr: Eit bad er godt og avslappande, og ekstra godt og avslappande vert det med skumbad, badesalt, kuler med olje, "bade-fuzz", olje....
Strømpebukser i str. L, 60 den eller deromkring. Svarte er veldig anvendelege, men også grått eller striper er fint, spesielt er eg på jakt etter ei i svart og (knall!) raudt.
Akkurat vinteren 2009 går eg ein del i kjole/skjørt, og då hadde eit par svarte leggvarmarar vore kjekt. Evt. grå eller KANSKJE ein kraftigare farge. Planen er å bruke dei når eg går ute, så den må ikkje loe forferdeleg slik at eg får hårete leggar... (spesielt viktig viss dei er ikkje-svarte)
Eg er ingen klesshoppar, men klede må ein jo ha - så gåvekort til butikkane eg pleier gå i er alltid nyttig. Og eg pleier gå på Lindex, H&M, KappAhl og liknande. Men eg er open for å prøve meir spesielle butikkar også :-)

Ting som ikkje står på ynskjelista og som aldri vil hamne der

Whisky. Det er ein manneting (unntatt Auchentoshan, som er god).
Det same gjeld "puzzles" - altså desse latterlege leiketøya med kuler, tau og trebitar på, som skal modifiserast eller settast saman utan bruk av saks eller sag.
Alt som involverer Windows.